Legezko abisua
Legezko abisu honek webgunean sartzeko eta hura erabiltzeko baldintza orokorrak biltzen ditu. Webgune hori Lurralde Politika eta Herri Administrazioaren Ministerioaren Funtzio Publikoko Estatuaren Idazkaritzaren eta Industria, Turismo eta Merkataritza Ministerioaren Telekomunikazioen eta Informazioaren Gizarterako Estatu Idazkaritzaren menpe dago.
Webgunea erabiltzeak esan nahi du baldintza hauek argitaratutako bertsioan eta bere osotasunean onartzen direla erabiltzailea erabiltzen hasten den unean bertan, webguneko eduki edo zerbitzu batzuei aplika dakizkiekeen baldintza zehatzei kalterik egin gabe.
Agiri honen xedeetarako “agente berrerabiltzaileak” izango dira sektore publikoko informazioa (merkataritzarako dena edo ez dena) berrerabiltzen duten pertsona fisiko edo juridiko guztiak.
Baldintza orokorren derrigortasuna
Baldintza orokor hauek agente berrerabiltzaile, betirako www.datos.gob.es/avisolegal, guztiei eragiten diete, bertako agiriak erabiltze hutsagatik.
Berriz erabiltzeko baimena eta jabetza intelektualaren eskubideen lagarpen ez-esklusiboa
Baldintza orokor hauei esker, bertako agiriak erabili daitezke merkataritzarako edo merkataritzarako ez diren kasuetan. Berrerabiltzea deritzo Estatuko Administrazio Orokorraren eta estatuko sektore publikoko gainerako erakundeen agiriak pertsona fisiko zein juridiko batek merkataritzarako edo merkataritzarako ez diren xedeetarako erabiltzeari, baldin eta erabilera hori administrazio jarduera publikorako ez denean. Baimendutako berrerabilerak, era argiagoan esanda, informazioa kopiatzea, zabaltzea, aldatzea, egokitzea, ateratzea, berrordenatzea eta konbinatzearen gisako jarduerak biltzen ditu.
Sektore publikoko informazioa berrerabiltzeari buruzko azaroaren 16ko 37/2007 Legearen 3. artikuluko 2. atalean ezarritakoa da agiri kontzeptua; beraz, informazio osoa biltzen du, euskarri material edo elektronikoa edo grafikoak, soinuak edo irudiak adierazteko erabilitako forma edozein delarik ere (beraz, baita mailarik bereizienetan edo "gordinean" dauden datuak ere).
Baimen honek berarekin dakar, era berean, jabetza intelektualaren eskubideen doako lagapen ez-esklusiboa, hala behar izatekotan, agiriei dagozkienak, kopiatzeko, banatzeko, jendaurrean jakinarazteko eta transformatzeko baimena emanez, baimendutako berrerabilera garatzeko beharrezkoak direnak, modalitatea eta formatua edozein delarik ere, guztientzako eta Legeak onartutako epearen barruan.
Berrerabilera baldintzak
Agiriak berrerabili ahal izateko, hurrengo baldintza orokorrak aplikatuko dira:
- Debekatuta dago informazioaren zentzua galtzea.
- Berrerabilitako agirien iturria aipatu behar da.
- Berrerabilitako agiriaren azken eguneraketaren data aipatu behar da, baldin eta jatorrizko agiriak ere badakar.
- Ezingo da esan, adierazi edo iradoki berrerabilitako informazioaren titularrak berrerabileran parte hartzen duela edo hura babesten duela.
Eguneratze datari buruzko metadatuak eta, hala behar izanez gero, barne hartzen dituen berrerabilera-baldintza aplikagarriak babestu behar dira berrerabiltzeko agirian, ezer aldatu edo ezabatu gabe.
Exclusió de baztertzea
Erabiltzaileek edo agente berrerabiltzaileek erabiliko dituzte datuen multzoak, beren kontura eta arriskupean, eta haiek bakarrik egin diezaiekete aurre hirugarrengoek erabileraren ondorioz jasan ditzaketen kalteei.
Lurralde Politika eta Herri Administrazioaren Ministerioaren Funtzio Publikoko Estatuaren Idazkaritza eta Industria, Turismo eta Merkataritza Ministerioaren Telekomunikazioen eta Informazioaren Gizarterako Estatu Idazkaritza ez dira arduratuko agente berrerabiltzaileek egiten duten informazioaren erabileraz, ezta zuzenean edo zeharka jasandako kalteez edo galera ekonomikoez ere, informazioa berrerabiltzeagatiko kalte ekonomiko, material edo datuen ingurukoak eragiten dituztenez edo eragin ditzaketenez.
Lurralde Politika eta Herri Administrazioaren Ministerioaren Funtzio Publikoko Estatuaren Idazkaritzak eta Industria, Turismo eta Merkataritza Ministerioaren Telekomunikazioen eta Informazioaren Gizarterako Estatu Idazkaritzak ez dute bermatzen berrerabilitako agirien eskuragarritasunaren jarraipena, ez edukiari eta ezta formari dagokionean, eta ez dituzte beren gain hartzen haietan egon daitezkeen akatsak edo ez aipatzeak.
Agente berrerabiltzailearen erantzukizuna
Agente berrerabiltzaileak sektore publikoko informazioa berrerabiltzearen inguruan aplikatzen den araudia bete beharko du, sektore publikoko informazioa berrerabiltzeari buruzko azaroaren 16ko 37/2007 Legearen 11. artikuluan aurreikusitako zigor-araubidea barne.
Izaera pertsonala duten datuen babesa
datos.gob.es webguneak erabiltzailearen intimitatea errespetatzeko konpromisoa du.
Red.es Enpresa Erakunde Publikoa, Industria, Turismoa eta Merkataritza Ministerioaren menpeko Telekomunikazioen eta Informazioaren Gizarterako Estatu Idazkaritzaren kudeaketa-gomendio bat betetze aldera, webguneko erabiltzaileek emandako datu pertsonalekin sortutako fitxategiez arduratuko da.
Izaera pertsonaleko Datuen Babeserako abenduaren 13ko 15/1999 Lege Organikoaren arabera, Red.es Enpresa Erakunde Publikoak sekretua betetzeko konpromisoa hartzen du izaera pertsonaleko datuei dagokienez eta baita isilpekotasunez erabiltzeko beharrari dagokionez ere. Hori horrela izan dadin beharrezko neurriak hartuko ditu baimenik gabeko aldaketarik, galerarik, tratamendurik edo sarbiderik izan ez dadin.
Datu pertsonalak jasotzearen eta tratamendu automatizatua ematearen helburuak erabiltzaileari zerbitzuak kudeatzea, ematea, gehitzea eta hobetzea eta erabiltzaileen kontsulten jarraipena egitea dira.
Erabiltzaileak berak emandako datuen sarrera, zuzenketa, deuseztapen eta aurkatze eskubidea izango du webguneak dakarrencontacto@datos.gob.es harremanetarako helbide elektronikoaren bidez.
Aldaketak
Webgunearen zerbitzuak hobetze aldera, Lurralde Politika eta Herri Administrazioaren Ministerioaren Funtzio Publikoko Estatuaren Idazkaritzak eta Industria, Turismo eta Merkataritza Ministerioaren Telekomunikazioen eta Informazioaren Gizarterako Estatu Idazkaritzak eskubidea dute edozein unetan eta erabiltzaileari aldez aurretik jakinarazi gabe, webgunearen aurkezpena, konfigurazioa, azalpen teknikoak eta zerbitzuak aldatzeko alde bakarreko erabakiz.
Era berean, edozein unetan erabilera baldintza hauek eta beste edozein baldintza zehatz aldatzeko eskubidea izango dute.
Hiperstekak
Webgunean dauden hiperesteken bidez, hirugarren web orrietara bideratu gaitezke. Lurralde Politika eta Herri Administrazioaren Ministerioaren Funtzio Publikoko Estatuaren Idazkaritzak eta Industria, Turismo eta Merkataritza Ministerioaren Telekomunikazioen eta Informazioaren Gizarterako Estatu Idazkaritzak ez dute inolako erantzukizunik hartzen web orri horietan ager daitezkeen edukien, informazioaren edo zerbitzuen gain, eta informazio izaera baino ez dute izango eta inola ere ez du esan nahi harremana dagoenik Funtzio Publikoko Estatuaren eta Telekomunikazioaren eta Informazioaren Gizarterako Estatu Idazkaritzen eta eduki horien pertsona edo erakunde titularren edo horiek aurkitzen diren tokietako titularren artean.
